Joriy yilning 8–14-aprel kunlari Oʻzbekiston Respublikasi Oila va xotin-qizlar davlat qoʻmitasi tomonidan poytaxtimizda “Xon atlas – 2024” festivali oʻtkazilishi rejalashtirilgan.
Shu kuni yurtimizdagi turli tashkilot, idora va oʻquv maskanlarida xotin-qizlar qadriyatlarimizni eʼzozlagan holda xon atlas kabi milliy liboslarimizni kiyib, festival maqsadlarini qoʻllab-quvvatlashadi.
O’zbekiston Respublikasi Prezidenti huzuridagi Statistika agentligining Xotin-qizlar masalalari bo’yicha boshlang’ich tashkiloti tomonidan tashkillashtirilgan “Xon atlas –2024” festivalida agentlikda faoliyat yuritayotgan xotin-qizlar ham faol qatnashdi.
Ta’kidlash lozimki, bu kabi festivallarning oʻtkazilishi milliy qadriyatlarimizning yosh avlodga yetkazishda muhim ahamiyat kasb etadi.
